បុរសម្នាក់ខឹងពេលផឹកស៊ី ដើរទៅសុំជល់កែវតុអ្នកក្បែរគ្នា ​តែគេមិនព្រមជល់កែវ ទាញម៉ូតូជិះបំបុក ម្ចាស់ហាងទាញទ្វារបិទ ហៅប៉ូលិសវាយខ្នោះ

បុរសម្នាក់ ផឹកស៊ីស្រវឹង រួចក៏ក្រោកដើរទៅសុំជល់កែវ អ្នកផឹកស៊ីតុក្បែរគ្នា និងបបួលគេឱ្យមកផឹកនៅតុជាមួយគ្នា តែគេមិនព្រមដល់កែវ និងមិនមកផឹកជាមួយ ​ស្រាប់តែ បុរសនោះខឹងសម្បាជាខ្លាំង ទៅហៅបក្ខពួកជិះម៉ូតូកាន់ដាវ និងដំបង ជិះបំបុកចូលហាង បម្រុងវាយគេ តែត្រូវម្ចាស់ហាងទាញទ្វារបិទទាន់ និងចាប់ឃាត់បានជនដែដល់បានម្នាក់ភ្លាមភ្លាម ប្រគល់ឱ្យសមត្ថកិច្ច នាំយកទៅចាត់ការតាមច្បាប់។

ហេតុ​​ហេតុការណ៍នេះ បានកើតមានការភ្ញាក់ផ្អើលឡើង កាលពីវេលាម៉ោង ៣និង៤៥នាទីទៀបភ្លឺ ថ្ងៃទី៨ ខែមករា ឆ្នាំ២០២៤ នៅចំណុចហាងយី​ហោ ស៊ុបពពែ រស្មីឯករាជ្យ​ ស្ថិតក្នុងភូមិជម្ពូវ័ន សង្កាត់ចោមចៅ៣ ​ ខណ្ឌពោធិ៍សែនជ័យ។

ជនបង្កហេតុដែលត្រូវ សមត្ថកិច្ចចាប់ឃាត់ខ្លួន មិនត្រូវបានស្គាល់អត្តសញ្ញាណនៅឡើយទេ។ ចំណែកម៉ូតូដែលជនបង្កហេតុ ​ជិះបំបុកចូលហាង ម៉ាកហុងដា ឌ្រីម សេ១២៥ ស៊េរីឆ្នាំ២០២២ ពណ៌ក្រហម ពាក់ស្លាកលេខ ភ្នំពេញ១ជេ ៤៣ ២៩​និង មានដំបង១ដើម ដែលជនសង្ស័យកាន់បម្រុង យកមក​ធ្វើសកម្មភាពវាយគេ នេះបើតាមប្រភពម្ចាស់ហាងខាងលើ បានរៀបរាប់​ប្រាប់ថា មុនពេលកើត ជនសង្ស័យបានចូលមកផឹកស៊ីនៅ ក្នុងហាងរបស់គាត់ បន្ទាប់ពីផឹកស្រវឹង ជនសង្ស័យបានទៅសុំជល់កែវជាមួយភ្ញៀវ នៅតុផ្សេងក្បែរគ្នា រួចហៅ ឲ្យគេ​ទៅអង្គុយផឹកជាមួយខ្លួន តែគេមិនព្រម ជល់កែរនិងមកផឹកជាមួយនោះទេ។

ម្ចាស់ហាង បន្តទៀតថា ភ្លាមភ្លាមនោះ ជនសង្ស័យខឹង គេបែរជាកូរគេឯងពេញក្នុងហាង ពេលនោះគាត់ជាម្ចាស់ហាង បានធ្វើការសម្រួលរួចហើយ ស្រាប់តែជនសង្ស័យ ជិះម៉ូតូចេញទៅបាត់។

លុះមួយ ​សន្ទុះក្រោយមក បុរសនោះ បានហៅបក្ខពួក ១ក្រុម ជិះម៉ូតូ ៤គ្រឿង ប្រដាប់ដោយដាវ និងដំបង មកធ្វើសកម្មភាព ដោយជន​សង្ស័យ ជិះម៉ូតូបុកចូលហាង តែម្នាក់ឯងមុខគេ។ ភ្លាមភ្លាម​នោះ គាត់ជាម្ចាស់ហាង បានទាញទ្វារបិទ ​រួចនាំគ្នាចាប់ឃាត់ខ្លួនជនសង្ស័យ បានម្នាក់ ភ្លាមភ្លាមតែម្តង

ចំណែកបក្ខពួកផ្សេងទៀត បាននាំគ្នាជិះម៉ូតូរត់គេចខ្លួនបាត់អស់។ ក្រោយ​ពីឃាត់ខ្លួន​ជនសង្ស័យខាងលើបានហើយ ម្ចាស់ហាងបានទាក់ទង ប្ដឹង​សមត្ថកិច្ចក្នុងមូលដ្ឋាន ឱ្យចុះមកនាំ ខ្លួនជនសង្ស័យទៅ សាកសួរ។ក្រោយពេលកើតហេតុ បន្ទាប់ពីម្ចាស់ហាងបានមកបំភ្លឺ និង​ដាក់ពាក្យបណ្តឹងរួចហើយ សមត្ថកិច្ចបានកសាងសំណុំ រឿងបញ្ហា​ជនសង្ស័យខាងលើ​ទៅចាត់ការបន្តតាមនីតិវិធីច្បាប់៕

Leave a Reply

Your email address will not be published. Required fields are marked *