ក្រោយមហាជន នាំគ្នារិះគន់លោកយឿន ពិសី លែងលះគ្នាជាមួយប្រពន្ធមិនបានប៉ុន្មានផង ទៅមានអ្នកថ្មី ពេលនេះលោក បានចេញមុខការពារស្រីស្នេហ៍ថ្មី និងវាយបកទៅកាន់អ្នករិះគន់ កុំឲ្យចេះដឹងរឿងគ្រួសារគេ
ម្ចាស់ពានខេមបូឌៀ ហ្គតថាឡេន រដូវកាលទី១ លោក យឿន ពិសី បានចេញមុខការពារគូស្នេហ៍ថ្មី ក្រោយរងការចោទប្រកាន់ពីមហាជនមួយចំនួនថា នាងជាជនទី៣ ដែលស្ថិតនៅពីក្រោយនៃមូលហេតុនាំអោយមានការលេងលះភរិយាពីតារាចម្រៀងរូបនេះ ។
យឿន ពិសី បានចាត់ទុកនារីជាគូស្នេហ៍ ដែលខ្លួនដាច់ចិត្តបង្ហាញជាសាធារណៈនាពេលនេះ គឺជានារីដែលខ្លួនស្រឡាញ់ពិតប្រាកដ ដោយមិនមែនជាជនទី៣ ដែលចូលមកបំបែកបំបាក់ចំណងអាពាហ៍ពិពាហ៍រវាងលោក និងអតីភរិយានោះឡើយ ដ្បិតចំណងស្នេហ៍ថ្មីរបស់លោកនាពេលនេះ បានកើតឡើង ក្រោយពេលដែលលោកបានលែងលះជាផ្លូវការជាមួយនិងភរិយាទើបរួចហើយថ្មីថ្មី ។
តារាចម្រៀង យឿន ពិសី បានបញ្ចេញសារយ៉ាងវែងនៅតាមបណ្តាញសង្គមថា ខ្ញុំសូមសារភាពថា គាត់ជានារីដែលខ្ញុំស្រឡាញ់យ៉ាងពិតប្រាកដ ប៉ុន្តែគាត់មិនមែនជាជនទីបីទេ ។ ខ្ញុំសូមសំពះសុំចិត្តពុកម៉ែបងប្អូនកុំសើចកុំយំពួកខ្ញុំអី ហើយខ្ញុំក៏សូមអរគុណគាត់ ដែលសម្រេចចិត្តចូលក្នុងជីវិតខ្ញុំ ហើយព្រមទទួលយកខ្ញុំជាខ្ញុំ បើទោះបីជាដឹងថាខ្ញុំពិការក៏ដោយ ព្រោះនៅពេលដែលខ្ញុំនឹងគាត់ស្រឡាញ់គ្នា គឺខ្ញុំមានឈ្មោះជាពោះម៉ាយរួចទៅហើយ ។
លោកបញ្ជាក់ថា ខ្ញុំលែងលះជាមួយអតីតភរិយារបស់ខ្ញុំបានមួយរយៈធំដែរហើយ ទើបខ្ញុំមានទំនាក់ទំនងជាមួយគាត់ នេះជារូបភាពមុនពេលដែលខ្ញុំទៅវះកាត់ភ្នែកប្រហែល ២ថ្ងៃហើយរូបភាពដែលបែកធ្លាយនោះគឺជារូបភាពដែលខ្ញុំទើបតែវះកាត់ភ្នែកហើយបានមួយយប់ គឺគាត់ជាអ្នកទៅលើកកម្លាំងចិត្តឲ្យខ្ញុំ ។
លោកបន្ថែមទៀតថា រឿងដែលខ្ញុំបាទត្រូវបកស្រាយ ខ្ញុំបានបកស្រាយរួចហើយ សូមពុកម៉ែបងប្អូនបញ្ចេញមតិដោយក្រុមសីលធម៌ ម្យ៉ាងវិញទៀត សូមមេត្តាបងប្អូនបើកចិត្តឱ្យទូលាយ បងប្អូនមួយចំនួនក៏កុំចាំបាច់ ចេះរៀបចំ ជីវិតរបស់អ្នកដទៃធ្វើអ្វី ត្រូវចាំថាផ្លូវណាដែលត្រជាក់រស់នៅស្ងប់សុខស្រួល ផ្លូវនោះហើយដែលគ្រប់គ្នាប្រាថ្នាចង់ដើរ ។
លោកបញ្ជាក់ថា ខ្ញុំនឹងអៈតីតៈភរិយាខ្ញុំសម្រេចចិត្តលែងលះគ្នា ដោយព្រមព្រៀងនិងដោយសន្តិវិធី និងពុំមានអ្នកណាម្នាក់ផិតក្បត់អ្នកណាម្នាក់ឡើយ មូលហេតុ គឺព្រោះពួកខ្ញុំទាំងពីររស់នៅមិនចុះសម្រុងនឹងគ្នា មិនអាចបន្តសង្វះជាប្ដីប្រពន្ធបាន ប៉ុន្តែចំពោះកូនកូនទាំងពីររបស់ខ្ញុំ ខ្ញុំនៅតែស្រឡាញ់ពួកគាត់ស្មើជីវិត ជាពិសេសខ្ញុំនៅតែបំពេញតួនាទីជាឪពុក ដើម្បីផ្ដល់អាហារកិច្ចជូនគាត់រហូតដល់គាត់ធំធំរៀងរៀងខ្លួន។
យ៉ាងណាក៏ខ្ញុំសូមអរគុណរាល់ពេលវេលាល្អល្អកន្លងមក ដែលខ្ញុំនិងអៈតីតៈភរិយាខ្ញុំ ធ្លាប់មានជាមួយគ្នា គ្រប់យ៉ាងបានបញ្ចប់នៅពេលនេះ ខ្ញុំសង្ឃឹមថា ពួកយើងនឹងចាប់ផ្ដើមជីវិតថ្មី រស់នៅរៀងរៀងខ្លួនដោយគ្មានអ្នកណារំខានអ្នកណាបន្តទៀតឡើយ សំខាន់ខ្ញុំនៅតែបំពេញតួនាទីរៀបចំអាហារកិច្ចជូនកូនរហូតដល់គាត់មានអាយុ១៨ឆ្នាំ។
ចំពោះសារព័ត៌មានចុះផ្សាយពីខ្ញុំ ខ្ញុំសូមនិយាយថា មនុស្សស្រីដែលខ្ញុំស្រឡាញ់ហើយ បានថតរូបជាមួយខ្ញុំនេះ គឺពួកខ្ញុំមានទំនាក់ទំនងគ្នា ក្រោយពេលដែលខ្ញុំលែងលះបានមួយរយៈ គ្រប់យ៉ាងគាត់មិនមែនជាជនទីបី ដែលធ្វើឲ្យពួកខ្ញុំទាំងពីរត្រូវសម្រេចចិត្តដើរផ្លូវរៀងខ្លួនឡើយ។ ខ្ញុំសង្ឃឹមថាគ្រប់យ៉ាងបងប្អូននិងឈប់វែកញែកបន្តទៀតហើយក៏ឈប់ខាំមិន cវែកញែកជេ ឬបន្ទោសមកលើខ្ញុំឬគាត់ទៀតឡើយ
ប្រិយមិត្តប្រាកដជាស្គាល់ យឿន ពិសី ក្រោយពីបានកាន់ពានរង្វាន់ Cambodia’s Got Talent រដូវកាលទី១ បានរយៈពេល ៦ ឆ្នាំមក យុវជនដែលមានដុងទេពកោសល្យសិល្បៈ ទោះបីជាពិការភ្នែកពីកំណើតបានជួបម្ចាស់បេះដូងមានភក្តីភាព និងក្រាបផ្ទឹមចូលរោងជ័យ ហើយកាលពីថ្ងៃទី ១៧ ខែ មករា ឆ្នាំ ២០២១ ជាមួយភរិយាដ៏ស្រស់ស្អាត គឺជាហ្វេនរបស់ខ្លួន ក្រោយពីបានយល់ចិត្តយល់អស់រយៈពេលប្រហែលជា ០១ ឆ្នាំមកនោះ ហើយមកដល់ពេលនេះទទួលបានចំណងដៃកូន ២ នាក់ ផងដែរ។
ក្រោយបែកបាក់គ្នា ស្រាប់តែម្នាក់ៗចង់ដឹងថា ឃើញស្រលាញ់គ្នាស្ទើរលេប ប៉ុន្តែហេតុអ្វីក៏លះលែងគ្នាទៅវិញ ពេលនេះអស់មន្ទិលសង្ស័យហើយ អតីតភរិយា យឿន ពិសី បានទម្លាយខ្ទេចគ្មានសល់ មួយរយៈធំមកហើយដែលខ្ញុំរោងសម្ពាធចិត្តថាខ្ញុំដើរចោលប្ដី។ដោយមិនខ្វល់ពីគ្រួសារ។ដល់ថ្នាក់រហូតមានការលេងលះ។នេះហើយជាលទ្ធផលមនុស្សល្អនិងទទួលបានគុណសម្បត្តិល្អដោយឯងៗដោយមិនបានមានការតបតទៅលើមនុស្សដែលគិតអវិជ្ជមានមកលើយើងនោះឡើយ អរគុណពេលវេលានិងយុត្តិធម៌សម្រាប់មនុស្សល្អ។មកលើខ្ញុំនិងកូនៗ។