ប្តីនៅឯស្រុក អោយប្រពន្ធមកធ្វើការរោងចក្រនៅភ្នំពេញ អត់ពេលវេលានៅជាមួយប្រពន្ធ ស្រាប់តែប្រពន្ធជូរមាត់ទាក់ទងបានប្រុសស្នេហ៍ នាំមកដេកដល់បន្ទប់ជួល ចៃដន្យប្តីតាមមកដល់ ប្រពន្ធលើកខោសឹងមិនទាន់ ហើយប្រកែកថា មិនទាន់អស់ខ្លួនប្រាណទេ គ្រាន់តែអោបថើបគ្នាប៉ុណ្ណោះ

ស្ត្រី​ម្នាក់​មាន​ប្ដី​ទៅ​ហើយ ខណៈ​ប្ដី​ទៅ​ស្រុក​បែរជា​នាងហ៊ាននាំ​ប្រុសសេ្ន​ហ៍​ចូល​ដេក​សោយសុខ​ដល់​ក្នុង​បន្ទប់​ជួល លុះ​ឪពុកមា​ខាង​ប្រពន្ធ ទូរស័ព្ទ​ប្រាប់​ប្ដី ទើប​តាម​ទាន់​ប្តឹង​សមត្ថកិច្ច​ឃាត់​យក មក​សួរនាំ​ធ្វើ​ឲ្យ​មានការ​ភ្ញាក់ផ្អើល​​ នៅផ្ទះ​ជួល ភូមិ​អង្គ សង្កាត់​ចោម​ចៅ​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ ។

បុរស​ជា​ប្ដី មានឈ្មោះ អន សឿ​ន អាយុ​២០​ឆ្នាំ មុខរបរ​កម្មក​រោងចក្រ ស្នាក់​នៅ​ភូមិ​អង្គ សង្កាត់​ចោម​ចៅ​៣​ខណ្ឌ ពោធិ៍​សែន​ជ័យ រាជធានី ភ្នំពេញ តែ​បាន​ត្រលប់​ទៅ​ស្រុក​មួយ​រយៈ នៅ​ខេត្តស្វាយរៀង ។ ចំណែក​ស្ដ្រី​ជា​ប្រពន្ធ មានឈ្មោះ ទិ​ត សុ​ផាត អាយុ​២១​ឆ្នាំ មុខរបរ​ជា​កម្មករ រោងចក្រ ស្នាក់​នៅ​បន្ទប់​ជួល​កើតហេតុ​ខាងលើ មានស្រុក​កំណើត​នៅ​ភូមិ​មុខ​ដា ស្រុក​រមាស​ហែក ខេត្តស្វាយរៀង ។

ចំណែក​ប្រុស​កំពូល​ស្នេហ៍ ជា​សហាយ​នោះ មានឈ្មោះ ស៊ង វ៉ា​ន់​ឆៃ អាយុ​២២​ឆ្នាំ មុ​របរ​កម្មករ​រោងចក្រ ស្នាក់​នៅផ្ទះ​ជួល​ជាមួយ​ស្ត្រី​ផិត​ប្ដី​ខាងលើ ស្រុក​កំណើត​មិន​ត្រូវ​បាន​ស្គាល់ ។ តាម​ប្រភព​ពី​ប្ដី បាន​ឲ្យ​ដឹង​ថា មុន​ពេល​កើតហេតុ​រូបគេ​ទាំង ​២​នាក់​ខាងលើ មិន​បាន​រស់នៅ​បន្ទប់​ជួល​ជាមួយ​នោះ​ទេ ដោយ​ខ្លួន​ទៅ​នៅ​ស្រុក​មួយ​រយៈ ស្រាប់តែ​ទទួល​ដំណឹង​ពី​ឪពុកមា​ខាង​ប្រពន្ធ​ប្រាប់​ថា ប្រពន្ធ​ខ្លួន​កំពុង​លួច​មាន​សាហា​យ​ហើយ និង​នាំ​យក​មក​នៅ​ក្នុង​បន្ទប់​ជួល​ថ្មី​ជាមួយ​គ្នា​ថែម​ទៀត ។

ឮ​ដូច្នោះ​បុរស​ជា​ប្ដី​ក៏​ប្រញាប់​ប្រ​ញ៉ា​លម​ក​ពី​ស្រុក​ឡើង​មក​ភ្នំពេញ ដើម្បី​មក​បន្ទប់​ជួល​មើល​ប្រពន្ធ​របស់​ខ្លួន ពិតជា​អ៊ីចឹង​មែន​អត់។ បុរស​ជា​ប្តី​ប្រាប់​បន្ត​ថា លុះ​​មុន​ពេល​កើតហេតុ រូប​គាត់​បាន​មក​ពី​ស្រុក​កំណើត ដើម្បី​តាមដាន​ប្រពន្ធ​ក៏​ឃើញ​ប្រពន្ធ​នាំ​សហាយ​ចូល​ក្នុង​បន្ទប់​ជួល​នោះ​ពិតប្រាកដ​មែន រូប​គាត់​ក៏​យក​កូនសោទៅ​ចាក់​ពី​ខាងក្រៅ​បន្ទប់ ហើយ​បាន​ទៅ​ប្តឹង​នគរបាល​ប៉ុស្តិ៍​​​ភ្លាមភ្លាម​ផង​ដែរ ដើម្បី​ជួយ​អន្តរាគមន៍ ឃាត់​ស្ត្រី​ជា​ប្រពន្ធ និង​ប្រុស​ស្នេហ៍​ទៅ​ប៉ុស្តិ៍​ដើម្បី​សួរនាំ ។

តាមការរៀបរាប់ពីបុរសជាប្តី ទាំងអួលដើមក ថា គាត់បានរៀបការជាមួយ ស្ត្រីរូបនះ តាំងពីអំឡុងខែកុម្ភៈ ឆ្នាំ២០១៩ ចូលតាមផ្លូវ ទៅតាមច្បាប់ ថ្លៃបណ្តាការ ១៥០០ដុល្លារ រៀបការសំពះផ្ទឹមលោកមេបាចាស់ទុំសងខាង ហើយក្រោយពីរៀបការនឹងគ្នាហើយ ប្រពន្ធមកបន្តធ្វើការងារនៅភ្នំពេញ ចំណែកខ្លួនជាប្តី ធ្វើការងារដែរ តែនៅចាំផ្ទះឯស្រុក ស្រុក តែមួយរយៈចុងក្រោយនេះ ប្រពន្ធមិនដែលឃើញទៅរកប្តីសោះ ដូចសោះអង្គើយ ហាក់បីដូចជាគ្មាននឹកនារឿងរួមដំណេកសោះ កាន់តែសង្ស័យ មិនអស់ចិត្ត ធ្វើដំណើរចេញពីស្រុក តាមមករកដល់បន្ទប់ជួល នៅព្រលប់ថ្ងៃទី០៥ ខែកញ្ញា គ្រាន់តែរុញទ្វារបន្ទប់ ពុទ្ធោ ! ប្រពន្ធខ្ញុំកំពុងបង្កើតភាព ផ្អែម ឱប ជាមួយប្រុសផ្សេង តូចចិត្ត ប្តឹងប៉ូលិសឲ្យជួយអន្តរាគមន៍ ឃាត់ហៅនាំទៅសាកសួរនៅប៉ុស្តិ៍ ដើម្បីធ្វើកិច្ចសន្យា លែងលះស្នេហ៍ ៕

ខណៈ​ពេល​សមត្ថកិច្ច​សាកសួរ​ស្ត្រី ជា​ប្រពន្ធ​នាង​បាន​សារភាព​ថា ខ្លួន​មាន​ទំនាក់ទំនង​ជាមួយ​ប្រុស​សហាយ​អស់​រយៈពេល​១​ខែ​មក​ហើយ តែមិន​ទាន់​បាន​ស៊ីជំរៅ​នៅឡើយ ចំណែកឯ​បុរស​ជា​ប្រុស​ស្នេហ៍​បាន​សារភាព​ដូច​នារី​ជា​ប្រពន្ធ​ដែរ​ថា រូបគេ​ទើបតែ​ទាក់ទង​គ្នា​ទេ គឺ​រូបគេ​តែ​មក​ចូល​បន្ទប់​ជួល​នេះ​បាន​ម្តង​តែ​ប៉ុណ្ណោះ ។

ក្រោយ​ពេល​កើតហេតុ បុរស​ជា​ប្តី​មិន​ប្តឹងផ្តល់​ទៅ​លើ​ប្រពន្ធ​នោះ​ទេ គ្រាន់តែ​អោយ​សមត្ថកិច្ច​ធ្វើការ​អប់រំ​នាង និង​បុរស​សំណព្វចិត្ត តែប៉ុណ្ណោះ នឹង​អោយ​ស្ត្រី​ជា​ប្រពន្ធ​របស់​ខ្លួន​ត្រលប់​ទៅ​ស្រុក​កំណើត​វិញ ដើម្បី​ផ្តិត​មេដាយ​លែងលះ​គ្នា​តាម​ផ្លូវច្បាប់ ដោយ​ទុក​ឲ្យ​រូប​នាង និង​ប្រុស​សាហា​យបន្ត​សោយសុខ​បន្ត​ទៀត រូបគេ​សុំ​ដកខ្លួន​ចេញ ៕

Leave a Reply

Your email address will not be published. Required fields are marked *