ឃើញឡានដឹកស្រាបៀហនុមាន ក្រឡាប់ ពលរដ្ឋនាំគ្នាគាស់ក្រវិលកំប៉ុង ស្វែងរករង្វាន់៣០០ដុល្លារក្នុង១ខែមានករណីក្រឡាប់ឡានដឹកស្រាបៀហនុមានជាច្រើនរយកេស រាយពាសពេញផ្លូវ ធ្វើអោយមានការភ្ញាក់ផ្អើលដល់ប្រជាពលរដ្ឋនៅតំបន់នោះ នាំគ្នារត់មករើស និងគាស់ក្រវិលកំប៉ុង ដើម្បីស្វែងរករង្វាន់៣០០ដុល្លារ ក្នុង១ខែ រយៈពេល៣ឆ្នាំ។
ករណីនេះ បានកើតឡើងនៅថ្ងៃទី១៥ ខែតុលា ឆ្នាំ២០២៤ ក្នុងទីតាំងគីឡូម៉ែត្រលេខ ២៦ ក្នុងទឹកដីស្រុកសំរោងទង ខេត្តកំពង់ស្ពឺ តាមរយៈវិដេអូរបស់ប្រជាពលរដ្ឋថតបាន បង្ហាញអោយឃើញ មានឡានធន់ធំ១គ្រឿង បានដឹកស្រាបៀហនុមាន ជាច្រើនកេស ដល់ចំណុចកើតហេតុ បានក្រឡាប់ បណ្តាលអោយ ស្រាបៀជ្រុះរាយប៉ាយពាសពេញផ្លូវ ហើយក៏ផ្អើលឈូឆរ ដល់ប្រជាពលរដ្ឋនៅតំបន់នោះ នាំគ្នាមករើស និងគាស់តាមរករង្វាន់ធំ ដែលក្រុមហ៊ុនធ្លាប់ប្រកាសថា មានទឹកប្រាក់៣០០ដុល្លារក្នុង១ខែ ហើយមានរយៈពេល៣ឆ្នាំថែមទៀតផង
