មកដឹងលម្អិត ពីគ្រួសាររបស់លោកចា រិទ្ធី នៅក្នុងថ្ងៃពិធីមង្គលការកូនស្រីពៅ ដែលធ្វើអោយប្រិយមិត្តខ្លះ ស្មានតែលោកនៅកំលោះ
លោកចា រិទ្ធី បានរៀបមង្គលការកូនស្រីពៅរបស់លោក គឺកញ្ញាចា ដាវីន ជាមួយកូនកំលោះលោកហុក ឡុងសៀ កាលពីថ្ងៃទី១២ ខែមករា ឆ្នាំ២០២៥ ដែលរៀបចំនៅមជ្ឈមណ្ឌុលសន្និបាត និងពិព័ណអន្ដរជាតិ ជ្រោយចង្វារស៊ីស៊ីអាយស៊ី អាគារដេ ។
គេឃើញពិធីអាពាហ៍ពិពាហ៍ របស់កូនស្រីលោកចា រិទ្ធី ធ្វើទៅតាមបែបប្រពៃណីខ្មែរផង និងបែបចិនផង ហើយកូនប្រសាររបស់លោករិទ្ធី ក៏ជាកូនចៅកាត់ចិន ដែលពិធីនោះរៀបចំលំដាប់ អភិជនមានការតាំងផ្កាយ៉ាងប្រណិតនៅក្នុងសាលពិធី ។ ប៉ុន្ដែ នៅលើទំព័រហ្វេសបុករបស់លោកចា រិទ្ធី ឯណោះវិញ មិនឃើញមានបង្ហោះពិធីមង្គលការកូនស្រីរបស់លោកទេ គិតត្រឹមមកដល់ពេលនេះ ។
សូមបញ្ជាក់ថាកញ្ញាចា ដាវីន ដែលកូនស្រីពៅលោកចា រិទ្ធី បានបញ្ចប់ការសិក្សារថ្នាក់ បរិញ្ញាប័ត្រ ផ្នែកទេសចរណ៍ និងបដិសណ្ឋារកិច្ច នៅសាកលវិទ្យាល័យអេយូភីភី កាលពីឆ្នាំ២០២២ ដែលលោកចា រិទ្ធី ថាកូនជាកែវភ្នែករបស់លោក។
ដោយឡែកកូនប្រសាររបស់លោករិទ្ធី គឺលោកហុក ឡុងសៀ នោះតាមព័ត៌មានបានអោយដឹងថា លោកជាកូនអ្នកជំនួញធំម្នាក់នៅរាជធានីភ្នំពេញ។ អ្វីដែលគួរឲ្យកត់សម្គាល់នៅថ្ងៃការកូនស្រីពៅរូបនេះលោកចា រិទ្ធី ដែលជាឪពុកគេបែជាចាប់អារម្មណ៍លោកច្រើនជាងគេទៅវិញថា សម្រស់នៅតែក្មេងជាងវ័យ រហូតមានអ្នកខ្លះនិយាយលេងសើចថាស្មានតែលោករិទ្ធី នៅកំលោះ ឬគេមិននឹកស្មានថាលោកមានកូនធំដល់វ័យរៀបការបែបនេះទៀតផង ។
មកដល់បច្ចុប្បន្នេះ លោកចា រិទ្ធី មានវ័យជិត៦០ឆ្នាំទៅហើយ លោកក៏ជាអ្នកជំនួញរកស៊ីបើកផ្នែកសណ្ឋាគារ និងផ្ទះសំណាក់ជាច្រើនឆ្នាំនោះមានកូន២នាក់ គឺកូនទី១ប្រុសឈ្មោះចា សេរីវុឌ្ឍ ដែលបានបញ្ចប់សិក្សាថ្នាក់អនុបណ្ឌិត ផ្នែកទំនាក់ទំនងអន្ដរជាតិនៅសាកលវិទ្យាល័យដាក់ឃីន នៅឯប្រទេសអូស្រា្ដលី ហើយក៏បានរៀបការប្រពន្ធនៅខ្មែរកាលពីឆ្នាំមុនផងដែរ ។
ប៉ុន្ដែទាំងមង្គលការកូនប្រុសស្រីរបស់លោក គេមិនដែលឃើញលោកចារិទ្ធី បង្ហោះនៅលើហ្វេសបុករបស់លោកដូចតារាល្បីល្បីមួយចំនួនទៀតឡើយ ពោលគឺលោកចូលចិត្តប្រើជីវិតឯកជន ដោយស្ងប់ស្ងាត់។
ប៉ុន្តែទោះបីជាយ៉ាងណា រឿងដែលល្បីថា លោកមានស្រីក្មេងក្មេងសាច់សរខ្ចី ធ្វើជាសង្សារនោះ នៅតែល្បីល្បាញរហូតមកដល់សព្វថ្ងៃ ខណៈដែលលោកបានចាត់ទុកភរិយាថាជាព្រះ ព្រោះទោះជាមានព័ត៌មានថា លោកជាប់ពាក់ព័ន្ធជាមួយតារា ឬនារីក្មេងក្មេងណា ក៏ប្រពន្ធលោកមិនខ្វល់ឡើយ។
សូមបញ្ជាក់ថា អតីតដារាសម្តែងជើងចាស់ មានវ័យក្បែរ៦០ឆ្នាំនេះ លោក ចា រិទ្ធី នៅតែជះរាងសង្ហា និងមានសុខភាពល្អ មិនចាញ់កាលពីលោកនៅក្មេងឡើយ ។ មូលហេតុដែលធ្វើឱ្យលោកនៅក្មេងវ័យបែបនេះដោយសារលោកមិនប្រព្រឹត្តិរឿង២យ៉ាងនេះ ។
លោក ចា រិទ្ធី បានបោះបង់ការសម្តែងចោលច្រើនឆ្នាំមកហើយ ដោយសារតែលោកមមាញឹកនៅក្នុងការងាររកស៊ី ប៉ុន្តែថ្មីថ្មីនេះលោកទើបតែត្រឡប់មកទទួលការសម្តែងឡើងវិញឱ្យផលិតកម្មមួយចំនួនឡើងវិញ ។
ទន្ទឹមនិងការត្រឡប់មកសម្តែងឡើងវិញនេះលោក ចា រិទ្ធី ក៏បានបង្ហើបប្រាប់ពីអាថ៌កំបាំងផ្ទាល់ខ្លួនដែលធ្វើឱ្យលោកនៅតែមានរូបរាងស្រស់សង្ហា និង មានសុខភាពល្អ បើទោះបីជាលោកមានវ័យក្បែរ៦០ឆ្នាំទៅហើយក្តី ។ លោកថាមូលហេតុដែលលោកមានរូបរាងសង្ហា និងមានសុខភាពល្អបែបនេះ ទីមួយគឺលោក ឧស្សាហ៍ហាត់ប្រាណ និងលេងកីឡា ហើយអ្វីដែលលោកមិនប្រព្រឹត្តិនោះ គឺលោកមិនក្រេបគ្រឿងញៀន និងគ្រឿងស្រវឹង ។
ក្រៅពីអាជីពសម្តែង លោក ចា រិទ្ធី ជាអ្នកជំនួញជោគជ័យមួយរូប ដែលមានមុខជំនួញជាច្រើននៅក្នុងដៃ ។ ក្រៅពីនេះលោកក៏ជាសមាជិកនៅក្នុងក្រុមកីឡាបាល់ទាត់កម្ពុជាផងដែរ រាល់ពេលដែលមានការប្រកួតម្តងម្តងលោកតែងតែចូលរួមមិនដែលខានទេ ។